Զինված խմբավորումները, որ իրենց վերահսկողության տակ էին պահում Հալեպի արևելյան հատվածները, գաղտնի բանակցություններ են վարում կառավարական զորքերի հետ կապիտուլյացիայի պայմանների մասին: Այս մասին «Ալ-Վաթան» լրատվականին հաղրոդում է կառավարությանը մոտ գտնվող աղբյուրը:
Լրատվականը նշում է, որ Հալեպի արևելյան հատվածներում կառավարական զորքերի` իրար հաջորդած հաղթանակներից հետո ծայրահեղական խմբավորումների ներսում տարաձայնություններ են սկսվել: Աղբյուրի հավաստիացմամբ` զինյալների մեծ մասը համաձայն է ընդունել իշխանությունների ներկայացրած վերջնագիրը:
«Ծանր կորուստների հետևանքով զինյալները մեղադրանքներ են ներկայացնում իրար, այն դեպքում, երբ նրանցից մի քանիսը գաղտնի բանակցություններ են վարում Սիրիայի բանակի հետ` իրենց կարգավիճակի հնարավոր օրինականացման և Հալեպի արևելյան թաղամասերից դուրս գալու վերաբերյալ»,- գրում է արաբական լրատվականը:
Նախկինում զինյալները հրաժարվում էին հանձնել զենքը և խաղաղ լքել Հալեպը: