Հայտնի են 2016 թվականի «Ոսկե աղբաման»-ի՝ Իտալիայի առաջնության վատագույն արտասահմանցի ֆուտբոլիստի հավակնորդների տասնյակը։ Վատագույնների ցանկում ներառվել են Միլանի «Ինտեր»-ի ֆուտբոլիստներ Ստեվան Յովետիչը, Ֆելիպե Մելոն և Ժոֆրե Քոնդոգբյան և նախկին ֆուտբոլիստ Մարտին Մոնտոյան, «Սամպդորիա»-ի պաշտպան Դոդոն, «Ֆիորենտինա»-ի կիսապաշտպան Մարիո Սուարեսն, ով այժմ հանդես է գալիս «Ուոթֆորդ»-ի կազմում, «Յուվենթուս»-ի կիսապաշտպան Էրնանեսը, «Միլան»-ի հարձակվող Լուիս Ադրիանոն և դարպասապահ Դիեգո Լոպեսն, ով հիմա հանդես է գալիս «Էսպանյոլ»-ի կազմում, ինչպես նաև «Լացիո»-ի կիսապաշտպան Ռեյվել Մորիսոնը։
Նշենք, որ 2015-ին «Ոսկե աղբաման»-ին արժանացել է «Ռոմա»-ի հարձակվող Խուան Մանուել Իտուրբեն։