Այսօր Ազգային հերոս Մովսես Գորգիսյանի ծննդյան օրն է:
Ղարաբաղյան շարժման առաջնորդներից Մովսես Գորգիսյանը ծնվել է 1961թ. դեկտեմբերի 3-ին:
Արցախյան շարժման առաջամարտիկներից էր։ Առաջինն էր, որ 1988թ. մայիսի 28-ին Ազատության հրապարակում եռագույնն է ծածանել և ասել. «Կեցցե՜ այն Հայաստանը, որը վաղն է գալու…»: Ստեղծել է «Անկախության բանակ» ջոկատը որպես ապագա ազգային բանակի հիմք։ 1990-ի թվականին զոհվել է Երասխի պաշտպանության ժամանակ։ 1996 թ. սեպտեմբերի 20-ին ՀՀ նախագահ Լևոն Տեր-Պետրոսյանի հրամանագրով արժանացել է Ազգային հերոսի կոչման։ Թաղված է Ծիծեռնակաբերդում։