«Մերսեդես»-ի գերմանացի ավտոարշավորդ Նիկո Ռոսբերգն, ով օրերս դարձել է Ֆորմուլա 1-ի չեմպիոն, հայտարարել է մարզական կարիերան ավարտելու մասին։
«25 տարվա ընթացքում իմ մեծագույն երազանքն ու նպատակը եղել է Ֆորմուլա 1-ի չեմպիոն դառնալը։ Ես շատ զոհողությունների եմ գնացել այս ամենի համար, բայց, չնայած ծանր աշխատանքիս, ցավիս և շատ բաներից հրաժարվելուց, դա միշտ եղել է իմ նպատակը։ Հիմա ես դա արեցի՝ բարձունքում եմ։ Որոշել եմ ավարտել կարիերաս Ֆորմուլա 1-ում»,- նշել է 31-ամյա մարզիկը։