«ԳեոՊրոՄայնինգ Գոլդ» ՍՊԸ-ից MAMUL.am-ի թղթակցի հետ զրույցում հաստատեցին, որ ընկերությանը պատկանող Գեղարքունիքի մարզում գտնվող Սոթքի ոսկու հանքավայրում կեսգիշերին կրակոցներ են հնչել: «Հանքավայրի վրա հարձակվող անձին հաջողվել է բացահայտել, բայց գործի նախաքննությունից ելնելով ոչինչ չենք կարող ասել: Տղամարդը կրակել է մեր անվտանգության աշխատակցի ուղղությամբ, ով ոտքի հատվածում վնասվածք է ստացել»,- ասաց աշխատակիցը: Մեր տեղեկություններով հարձակվողը Վարդենիսի բնակիչ է: