Նորաձևությանը ուշի ուշով հետևողների համար ներկայացնում ենք գալիք տարվա նորաձև միտումները:
Վերարկու կենդանական նախշերով
Կենդանական նախշերով աքսեսուարներն ու կոշիկները վաղուց են նորաձև, իսկ այս տարի այդ նախշն արդեն հասել է վերնահագուստին: Դրանք կարելի է հագնել կիպ գրկող սև բլուզների, բեժ կիսաշրջազգեստների, նեղ ջինսե տաբատների, ցածր կրունկով երկարաճիտ կոշիկների կամ բարձր կրունկով կարճաճիտ կոշիկների հետ:
Գոտի
Վերարկուի ու մուշտակի վրայից կապվող գոտու տակ այս տարի փորձեք մտցնել նաև շարֆը: Դա կապահովի ոճային տեսք:
Կաշվե կոմբինիզոն
Գալիք տարի նորաձև է լինելու կաշվե հագուստը: Օրինակ, կաշվե տարբեր երկարության կոմբինիզոնները: Դրանք կարելի է կրել վիլվետե ջեմփերների, մորթե բլուզների, զանգվածեղ կոշիկների, կոպիտ կարճավիզ կոշիկների հետ:
Արևային երանգներ
Ավելացրեք դեղինն ու դրա երանգները ձեր զգեստապահարանում: Հիշեք, որ դեղինն իդեալական համադրվում է կապույտի, սևի ու սպիտակի հետ: Նորաձև կլինեն նաև լիմոնային գույները:
Քուղեր
2017-ին քուղերը կլինեն ոչ միայն կոշիկների վրա, այլև` հագուստի: Կարելի է ընտրել քուղերով զգեստ, կիսաշրջազգեստ, կորսետ, երկարաճիտ կոշիկներ, գոտիներ, ժակետներ:
Փոռեր
Կանացի զգեստապահարանում 2017-ին ավելանում է թեթևություն ու կանացիություն: Փոռերով ու ժանյակներով ընգծեք ձեր նրբությունն ու կանացիությունը: Ուշադրություն դարձրեք փոռավոր կիսաշրջազգեստներին, զգեստներին և թևքերին, օձիքին, գրպաններին ժանյակե փոռեր ունեցող բլուզներին:
Գործնական ոճ Տարվա ցուրտ եղանակին ոճաբանները խորհուրդ են տալիս ամառային թեթև կերպարները փոխարինել գործնականով: Կարելի է հիշել 90-ականների ոճն ու սև բլուզի վրայից հագնել խիստ սարաֆան:
Տիեզերք 2017-ին կողջունվեն ֆուտուրիզմի և տիեզերական թեմաների ցանկացած դրսևորումներ հագուստի ու կերպարի վրա:
Օմբրե
Անցումը մի գույնից մյուսին, որ ստացել է օմբրե անունը, նորաձև է արդեն որերորդ սեզոնին: Գալիք տարի, ի թիվս օմբրե հագուստի, կավելանան նաև օմբրե զուգագուլպաները:
Ժակետ-մունդիր
Ռազմական թեմատիկայով հագուստները կանանց հագին անհավանական նուրբ ու քնքույշ են նայվում: Ժակետ-մունդիրները կարելի է հագնել կարճ տաբատների, քուղավոր կամ բարձրակրունկ կոշիկների հետ:
