Բրիտանական Sotheby’s աճուրդի տունը հայտարարել է, որ դեկտեմբերի 3-ին վաճառքի է հանվելու LaFerrari սուպերքարի վերջին թողարկված օրինակը:
Ավտոմեքենան պատրաստվել է Ferrari ընկերության կողմից հատուկ աճուրդի համար: Վաճառքից ստացված ամբողջ հասույթն ուղղվելու է National Italian American Foundation’s Earthquake Relief Fund հիմնադրամին, որը միջոցներ է հավաքում Իտալիայի երկրաշարժներից տուժածների վերականգնման համար:
Ի սկզբանե LaFerrari շարքը սահմանափակվել էր 499 օրինակով, սակայն 2016թ. օգոստոսին ընկերության ղեկավար Սերջիո Մարկիոնեն հայտարարեց, որ հավաքվելու է 500-րդ մեքենան, որը վաճառվելու է բարեգործական աճուրդում և նվեր է լինելու հարազատ երկրին: