ՄԱԿ-ի գլխավոր քարտուղարի հումանիտար հարցերով տեղակալ Սթիվեն Օ'Բրայենը հայտարարել է, որ արևելյան Հալեպում մարտերի մի քանի օրվա ընթացքում մոտ 16 հազար մարդ է լքել իրենց տները:
«Գրոհների ինտենսիվությունը Հալեպի արևելյան շրջաններում ստիպել է հազարավոր խաղաղ բնակիչների փախչել քաղաքի այլ շրջաններ: Նախնական տվյալների համաձայն` մինչև 16 հազար մարդ ստիպված լքել է իրենց տները, նրանցից շատերի դրությունն անորոշ է և վտանգավոր»,- ասվում է հայտարարության մեջ:
ՄԱԿ-ի պետքարտուղարի տեղակալն ընդգծել է, որ քաղաքի այդ մասում հիվանդանոցներ չեն աշխատում, իսկ սննդի պաշարները պակասում են: Եթե մարտերը շարունակվեն, մոտ օրերս ժամանակավոր տեղափոխված անձանց թիվը կարող է ավելանալ ևս մի քանի հազարով: