Հետաքրքիր է

Մեքսիկացի Խուան Պոդրո Ֆրանկոն, ով արդեն 6 տարի է` գամված է անկողնուն գերճարպակալման պատճառով, օրերս տեղափոխվել է Գվադալահարի հիվանդանոց: Այսուհետև նա մի քանի ամիս խիստ սննդակարգի պետք է հետևի, որից հետո, եթե անհրաժեշտ չափով նիհարած լինի, կենթարկվի վիրահատության: Ֆրանկոն, ով կշռելիս է եղել 500 կգ, վերջին կշռվելուց հետո, պարզվել է, գիրացել է ևս 85 կիլոգրամով:
     Այժմ 32-ամյա Ֆրանկոն համարվում է աշխարհի ամենագեր տղամարդը:
     Նրա մասին առաջին անգամ ամբողջ աշխարհն իմացավ այս ամսվա սկզբին, երբ բժիշկներին հատուկ սարքավորումներ անհրաժեշտ եղան նրան 6 տարվա մեջ առաջին անգամ տնից հանելու և հիվանդանոց տեղափոխելու համար: Ֆրանկոն երբեք էլ առանձնապես նիհար չի եղել, սակայն ավտովթարի ենթարկվելուց հետո սկսել է շեշտակի գիրանալ: Այժմ նա երազում է դարձյալ քայլելու, մեքենա վարելու, երգելու ու պարելու մասին:
     Նշենք, որ Մեքսիկայի բնակչության 75%-ը տառապում է ավելորդ քաշից կամ ճարպակալումից, իսկ շաքարային դիաբետը դարձել է այս երկրի ամենատարածված հիվանդություններից մեկը: