Խնդրում ենք սպասել...
Այսօր`  շաբաթ, 10 դեկտեմբերի, 2016 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
8.50%
,
Եվրոպական Եվրո
7.00%
,
Ռուսական ռուբլի
9.50%
Media Monitoring

Իրադարձություններ

Կամովի-պարտադիրը` ԵՊՀ Հայ բանասիրության ֆակուլտետում. ջրի երես են դուրս եկել Արծրուն Ավագյանի պաշտոնեական չարաշահումները

13:40, երեքշաբթի, 29 նոյեմբերի, 2016 թ.
Կամովի-պարտադիրը` ԵՊՀ Հայ բանասիրության ֆակուլտետում. ջրի երես են դուրս եկել Արծրուն Ավագյանի պաշտոնեական չարաշահումները

ԵՊՀ Հայ բանասիրության ֆակուլտետի դեկան Արծրուն Ավագյանի` վերջերս արած աղմկահարույց հայտարարությունը, որ ինքը դրական է ընդունում Հայաստանում ռուսերենը որպես պետական լեզու ընդունելը, համացանցում բացասական արձագանքների ու քննադատությունների ալիք բարձրացրեց: Մասնավորապես, սոցցանցերում նրա ղեկավարած ֆակուլտետի նախկին ուսանողներից ոմանք բարձրաձայնեցին դեկանի կողմից տարիներ ի վեր թույլ տված պաշտոնեական դիրքի չարաշահումների մասին: MAMUL.am-ը գնաց բողոքների հետքերով և պարզեց, որ Արծրուն Ավագյանը պարտադրել է ուսանողներին գնել իր գրքերը՝ ուսանողի համար բավականին թանկ գնով` մոտ 2000 դրամով:

Արծրուն Ավագյանի պաշտոնեական չարաշահումները
Արծրուն Ավագյանի պաշտոնեական չարաշահումները

     Մեր թղթակցի հետ զրույցում Հայ բանասիրության ֆակուլտետի նախկին ուսանողները ներկայացրեցին հետևյալը. «Երբ Արծրուն Ավագյանը հրատարակում էր իր հերթական գիրքը, գործարկվում էր դեռ խորհրդային տարիներից հաստատված կամովի-պարտադիր սկզբունքը: Դրանից խուսափելու հնարավորություն չունեին հատկապես թոշակ ստացող ուսանողները: Ոչ այնքան վաղ անցյալում թոշակները բաժանվում էին առձեռն (այժմ ուսանողական թոշակները տրվում են քարտային համակարգով-խմբ.) և ուսանողներից պարզապես պահվում էր գրքի արժեքը: Այդպիսով, ուսանողները 4950 դրամ թոշակի փոխարեն ստանում էին 2950 դրամը, իսկ պահված գումարի դիմաց դեկանատում բաժանվում էին Ավագյանի գրքերը: Բողոքելն անիմաստ էր, քանի որ քո գումարը չկար, և կապ չուներ, որ դու այդ գիրքը չէիր ուզում գնել, որ այն չէիր էլ կարդալու երբևիցե, և որ քեզ այդ 2000 դրամն ավելի անհրաժեշտ էր, քանի որ դրանով 10 օր կարող էիր երթուղայինի գումարը վճարել»:
     Ուսանողները նաև վրդովված էին, որ հայոց լեզվի և գրականության պահպանության համար ստեղծված ֆակուլտետը գլխավորում է մի մարդ, ով ողջունում է անկախ համարվող Հայաստանի Հանրապետությունում այլ լեզվի պետականացումը: «Անհնար է պատկերացնել աշխարհում մի երկիր, որի մայրենի լեզվի և գրականության ամբիոնի դեկանը նման օտարահաճ արտահայտություններ աներ, և նրանից իսկույնևեթ հրաժարական չպահանջեին: Իսկ Արծրուն Ավագյանին ոչ միայն չեն պատժում, այլև որոշներն, անգամ, պաշտպանում են, ինչպես օրինակ` լեզվաբան Լավրենտի Միրզոյանն, ով դարձյալ պետք է հայերենապահպանության ջատագով լիներ: Մենք ամաչում ենք, որ սովորել ենք մի ֆակուլտետում, որի դեկանը կարող է հայտարարել` «Մենք արդեն վաղուց աշխարհի ինչ-որ մի նահանգիկ ենք, ոչ թե նահանգ»»:

9496 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am