Միջազգային

Քեսոն Սիթի քաղաքը գտնվում է Ֆիլիպինների Լուսոն կղզում: Այն երկրի խոշորագույն քաղաքն է և այդպես է անվանվել ի պատիվ երկրի նախկին նախագահ Մանուել Քեսոնի: Հենց այս քաղաքում է գտնվում երկրի ամենամեծ բանտերից մեկը, որը հայնտվել է ֆոտոլրագրող Նոել Ցելիսի օբյեկտիվում:

     Կալանավայրը կառուցվել է 60 տարի առաջ և ի սկզբանե նախատեսված է եղել 800 բանտարկյալի համար: Այնտեղ այժմ ավելի քան 3800 բանտարկյալ կա:
     Բանտում պայմանները սարսափելի են: Հանցագործները քնում են հերթով ու որտեղ պատահի` գետնին, աստիճաններին, միջանցքներում:
     Յուրաքանչյուր կալանավորի օրական 55 պեսո է հատկացվում, որից 50-ը սննդի, 5-ը` դեղորայքի համար:Բանտում սոսկալի գարշահոտ է տարածված, քանի որ յուրաքանչյուր 130 մարդուն բաժին է հասնում 1 զուգարան:Ֆիլիպինների բանտերն աշխարհում ամենածանրաբեռնվածն են, քանի որ կալանավորների թիվը 5 անգամ գերազանցում է թույլատրելի միջին թիվը: Երկրում շատ բարձր է հանցավորության մակարդակը: Համաձայն վիճակագրության` Ֆիլիպիններում 1 ամսվա ընթացքում 100-ավոր մարդիկ են սպանվում: