Ֆրանսիայի նախագահ Ֆրանսուա Օլանդը Կուբայի նկատմամբ առևտրային արգելքը վերացնելու կոչով է հանդես եկել, հայտնել է BFMTV-ն: «Ֆիդել Կաստրոյի մահվան կապակցությամբ ուզում եմ հայտարարել, որ առևտրային արգելքը բացասաբար է ազդում Կուբայի տնտեսության վրա, ուստի այն պետք է ամբողջությամբ հանվի»,- նշել է Օլանդը: Վերջինը նաև ընդգծել է, որ Կուբան կարող է լիարժեք մասնակցություն ունենալ միջազգային հանրության կյանքին ու դիտարկվել որպես գործընկեր:
Արդեն հայտնել էինք, որ Կուբայի հեղափոխության առաջնորդ Ֆիդել Կաստրոն կյանքից հեռացել է 90 տարեկանում: Նրա մահվան կապակցությամբ երկրում 9-օրյա սուգ է հայտարարվել: