«Սենսացիա ման մի եկեք, Սուրիկ Խաչատրյանի տղան կապ չունի, կենցաղային վեճ է եղել անհայտ անձանց միջև: Թոռնիկս լավ է, շատ թեթև վնասվածք է, 15 րոպեից տանը կլինի»,- այս մասին լրագրողների հետ զրույցում ասել է Կոտայիքի նախկին մարզպետ Կովալենկո Շահգալդյանն` անդրադառնալով իր թոռան և Սուրիկ Խաչատրյանի որդու միջև տեղի ունեցած միջադեպին:
Ավելի վաղ տեղեկացրել էինք, որ «Օջախ» ռեստորանային համալիրից Աբովյանի բժշկական կենտրոն է տեղափոխվել Չարենցավան քաղաքի 17 շենքի 17 բնակարանի բնակիչ, 22-ամյա Տիգրան Հակոբի Շահգալդյանը: Վերջինը Կոտայքի նախկին մարզպետ Կովալենկո Շահգալդյանի թոռն է, ով ոտքերի և նստատեղի հատվածում վնասվածքներ էր ստացել սուր կտրող ծակող առարկայից: Ըստ մամուլում տարածված լուրերի Տիգրան Շահգալդյանին դանակահարելու մեջ կասկածվում է Սյունիքի նախկին մարզպետ
Սուրիկ Խաչատրյանի տղան, թեև վերջինս լրագրողների հետ զրույցում հերքել է տեղեկությունը: