ՀՀԿ 16-րդ համագումարի ընթացքում, լրագրողները ՀՀԿ փոխնախագահ Արմեն Աշոտյանից հետաքրքրվել են, թե մտավախություն չունի՞, որ կզրկվի փոխնախագահի պաշտոնից. «Ինձ համար անհոգ եղեք»,- կարճ պատասխանել է Աշոտյանը` հայտարարելով, որ այլևս ոչ մի հարցի չի պատասախանելու:
Վարչապետ Կարեն Կարապետյանն էլ` ի պատասխան լրագրողների հարցին, թե անդամակցելով ՀՀԿ-ին չի՞ կարծում, որ գցում է իր իմիջն, ասել է` ոչ, չի կարծում:
Նշենք, որ այսօր Կարեն Դեմիրճյանի անվան Մարզահամերգային համալիրի մեծ դահլիճում մեկնարկել է Հայաստանի հանրապետական կուսակցության թվով 16-րդ համագումարը: Համագումարին հրավիրված է մոտ 2000 մարդ, որից 1800-ը ՀՀԿ պատվիրակներն են, իսկ մոտ 200-ը՝ հյուրեր։