«Բելառուսների սիրտը ցավում է Ղարաբաղի համար». Ալեքսանդր Լուկաշենկո
 Բելառուսը պատրաստ է անհրաժեշտ աջակցություն ցուցաբերել Արցախի հիմնախնդրի կարգավորման ուղիներ գտնելու համար: Այսօր ադրբեջանական Trend գործակալությանը տված հարցազրույցում նման հայտարարություն է արել Բելառուսի նախագահ Ալեքսանդր Լուկաշենկոն: Նրա խոսքով` Մինսկը վերածվել է հայ-ադրբեջանական հակամարտության կարգավորման խաղաղարար հարթակի: «Անկեղծորեն ասեմ, ինչպես բելառուսներն անտարբեր չմնացին այն ամենին, ինչ տեղի է ունենում Դոնբասում, այնպես էլ մեր քաղաքացիների սրտերը ցավում է նաև Ղարաբաղի համար: Եվ դա պատահական չէ: Չէ՞ որ մենք՝ ուկրաինացիներս, ռուսներս, բելառուսներս, հայերս, ադրբեջանցիներս և այլ ազգերի ներկայացուցիչներ, մեկ մեծ երկրից ենք, մեկ համերաշխ ընտանիքից, որի անունն էր Խորհրդային Միություն,- ասել է Լուկաշենկոն ու հավելել,- մենք շարունակելու ենք բոլոր ջանքերը գործադրել խաղաղության հաստատման, բնականոն կյանքի և մարդկանց հանգստության համար, որտեղ էլ որ նրանք լինեն»: |
