«Ոչ ոք, անշուշտ, չհավատաց, որ վարչապետ Կարեն Կարապետյանի և տրանսպորտի ու գյուղատնտեսության նախարարների դիմումները՝ Հանրապետական կուսակցությանն անդամագրվելու մասին, ինքնաբուխ են և անկեղծ: Բոլորին հասկանալի է, որ դրանք պարտադրված դիմումներ են, որքան էլ որ նախարարները հավատացնեն, թե «թիմային աշխատանքը դա է պահանջում», և «Հանրապետականի գաղափարները հարազատ են իրենց»:
Դրա համար նոր մարդիկ և նոր հավատի ռեսուրս է հարկավոր: Եվ քանի որ կառավարության մեջ հայտնված, պաշտոն ստացած անձինք Հանրապետականի «պատանդի» դերում են հայտնվել և անդամագրվելուց հրաժարվել պարզապես չեն կարող, ստիպված են կատարել «թարմ օդի» իրենց դերը:
Սա նախարարի, վարչապետի աթոռներն զբաղեցնելու գինն է՝ պարտքը, այսպես ասած: Իսկ «պարտքը» փոխհատուցմամբ է գեղեցիկ, ինչպես ասում է ռուսական ասացվածքը: Չի բացառվում, որ ինչ-որ ժամանակ հետո այս մարդիկ այլևս հարկավոր չլինեն ՀՀԿ-ին, խանգարեն նրա հետագա ընթացքին, և նրանց ճանապարհները բաժանվեն: Հիմնավորապես «օգտագործելուց», նրանց դրական ռեսուրսը մաշելուց հետո ասեն՝ մնաք բարյավ, ինչպես ասել են շատերին: Բայց, ինչպես ֆրանսիացիներն են ասում են՝ սե լա վի. այսպիսին է կյանքը: Շախմատում սրան ասում են՝ ձեռք ես տվել, պետք է խաղաս»,–գրում է թերթը։
Մանրամասները՝ թերթի այսօրվա համարում։