Խնդրում ենք սպասել...
Այսօր`  կիրակի, 04 դեկտեմբերի, 2016 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
8.50%
,
Եվրոպական Եվրո
7.00%
,
Ռուսական ռուբլի
9.50%
Media Monitoring

Թերթերի տեսություն

7 հազար դրամով «Պոբեդան» ընդամենը 3 թռիչք կիրականացնի. հետո կթանկանա տոմսը. «ՀԺ»

09:45, հինգշաբթի, 24 նոյեմբերի, 2016 թ.
7 հազար դրամով «Պոբեդան» ընդամենը 3 թռիչք կիրականացնի. հետո կթանկանա տոմսը. «ՀԺ»

«Հայկական ժամանակ» թերթը գրում է. «Ռուսական «Պոբեդա» ավիաընկերությունը, պարզվում է, ընդամենը առաջին երեք թռիչքներն է Գյումրիից Մոսկվա իրականացնելու 7 հազար դրամով: Առաջին թռիչքը նախատեսված է դեկտեմբերի 15-ին, երկրորդը՝ 18-ին, երրորդը՝ դեկտեմբերի 22-ին: Այս երեք օրերի համար 1 ավիատոմսի արժեքը սկսվում է 7 հազար 117 դրամից, իսկ դրանից հետո 17 հազար, ապա՝ 21, 25 և 29 հազար դրամներ:

Հաշվի առնելով, որ դեկտեմբերի վերջին շաբաթը նախատոնական է, կարելի էր տրամաբանական համարել թանկացումը, սակայն «Պոբեդա»-ն տոներից հետո էլ հունվար ամսին ամենաէժան տոմսը սահմանել է 17 հազար դրամ:

7 հազար 117 դրամ արժողությամբ տոմս ունենալու դեպքում քաղաքացին ինքնաթիռում կարող է կրել հետևյալ իրերը՝ կանացի պայուսակ կամ պորտֆել, հովանոց, ձեռնափայտ, ծաղկեփունջ, վերնաշապիկ, կոստյում, տպագիր մամուլ և պլանշետ:

Ի դեպ, բոլոր տոսմերն սկսվում են 7 հազար 117 դրամից, սակայն ամեն մի հավելյալ ծառայության համար առանձին վճար է նախատեսված: Օրինակ՝ ընտանի կենդանու հետ ինքնաթիռ բարձրանալը վճարովի և այլն: Հավելյալ վճարի դեպքում ավիաընկերությունը Երևանից Գյումրի ավտոբուսով փոխադրում էլ է կատարում:

Նշենք, որ Գյումրիի «Շիրակ» օդանավակայանն ազատվեց, այսպես ասած, «օդի փող»-ից 2014 թվականին կառավարության դեկտեմբերի 11-ին նիստում ընդունված որոշումից հետո, երբ առաջարկվեց փոփոխության ենթարկել «Պետական տուրքի մասին» ՀՀ օրենքը, որպեսզի Գյումրիի օդանավակայանը շահավետ լինի բյուջետային ավիաընկերությունների համար»:

1725 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am