Բջջային հեռախոսների մարտկոցները կորցնում են իրենց նախնական հզորությունն արդեն 18 ամիս անց: Բացի այդ, դրանց լիցքավորման համար անհրաժեշտ լինում 30 րոպե: Կենտրոնական Ֆլորիդայի համալսարանի պրոֆեսորները մշակել են նոր սուպերկոնդենսատոր, որը հնարավորություն է տալիս 5 րոպեում լիցքավորվող հեռախոսը դարձնել իրականություն: Այն նաև դիմանում է ավելի քան 30 հազար լիցքավորման և լիցքաթափման` առանց հնարավորությունների թուլացման: Համեմատության համար նշենք, որ լիթիում-իոնային մարտկոցի նույն ցուցանիշը 1500 է:
Նոր սուպերկոնդենսատորը բաղկացած է նանոմետրային հաստության միլիոնավոր թելիկներից` պատված երկչափ նյութերով:
Այս ճկուն սուպերկոնդենսատորներով հեռախոսների լիցքավորումը կբավականացնի մեկ շաբաթ: Այն մեծ պահանջարկ կվայելի ոչ միայն բջջայիններ, այլև էլեկտրոմոբիլներ արտադրողների շրջանում: