Նյու Յորքում ընթացող աշխարհի թագի համար պայքարում շախմատի աշխարհի գործող չեմպիոն նորվեգացի Մագնուս Կարլսենը չի մեկնաբանել իր պարտությունը։ Նա հրաժարվել է շփվել նորվեգացի լրագրողների հետ՝ այդ թվում և պաշտոնական հեռարձակող հեռուստաընկերության, և միանգամից մտել է մամուլի ասուլիսների սրահ։ Այդ ժամանակ Սերգեյ Կարյակինը խառը գոտում շփվելիս է եղել լրագրողների հետ՝ ուշանալով մամուլի ասուլիսից։ Կարլսենը սպասել է երկու րոպե, այնուհետև զայրացած դուրս է եկել մամուլի ասուլիսների սրահից։
Նշենք, որ պայմանագրի համաձայն, այդ արարքի համար նա տուգանվել է պարգևավճարի 10 %-ի չափով։ Այսպիսով, եթե Կարլսենը հաղթի, կազմակերպիչներին կվճարի 60 հազար եվրո, եթե պարտվի՝ 40 հազար եվրո։