Քալիֆորնիայի անկախության կողմնակիցները դիմել են նահանգի գլխավոր դատախազին` անկախության հանրաքվե անցկացնելու առաջարկով: Այս մասին հաղորդում է The Los Anfeles Times լրատվականը:
Ակտիվիստները պահանջել են գրանցել «Calexit. Քալիֆորնիայի անկախության հանրաքվե 2019» փստաթուղթը: Հայտի ձևակերպումից հետո ակտիվիստները կարող են ստորագրահավաք սկսել հանրաքվեի կողմնակիցների շրջանում: Նրանք նշում են, որ արդեն 13 հազար կամավոր ունեն:
Շարժման համահիմնադիր Մարկուս Ռուիս Էվանսը հայտարարել է, որ իրենք ծրագրում եին հանրաքվեի անցկացման հարցը բարձրացնել գալիք տարվա սկզբին, բայց ԱՄՆ նախագահի պաշտոնում Դոնալդ Թրամփի ընտրվելն ակտիվիստներին ստիպել է շտապել այդ հարցում:
Calexit-ի կողմնակիցները հույս ունեն, որ անկախության հանրաքվեն հնարավոր կլինի անցկացնել արդեն 2019թ. մարտի 13-ին: Ակտիվիստների որոշմամբ` հանրաքվեն կայացած կհամարվի այն դեպքում, երբ դրան մասնակցի քվերակելու իրավունք ունեցողների ավելի քան 50%-ը, և երբ ԱՄՆ կազմից դուրս գալու օգտին քվերակի ընտրողների 55%-ը:
Քալիֆորնիան ԱՄՆ ամենախիտ բնակեցված նահանգն է` շուրջ 40 միլիոն մարդ: