Ամերիկյան Goldman Sachs ներդրումային բանկն իր կարճաժամկետ կանխատեսումներում նշել է, որ եվրոպական «Բրենթ» մակնշման նավթի 1 բարելի արժեքն ընթացիկ տարվա 4-րդ եռամսյակում կարող է հասնել 50 դոլարի: Այս մասին հայտնում է Bloomberg գործակալութունը:
Ինչպես հաղորդվում է, նման հեռանկարը կապվում է այն տեղեկատվության հետ, որ առաջիկայում ՕՊԵԿ-ը որոշում կընդունի նավթի արդյունահանման ծավալների սառեցման մասին:
Goldman Sachs-ի կանխատեսումներով` եվրոպական նավթի գինը կբարձրանա նաև գալիք տարվա 1-ին և 2-րդ եռամսյակներում` հասնելով համապատասխանաբար 56.5 և 52 դոլարի:
Մասնագետներն ակնկալում են, որ Ռուսաստանը ևս կմիանա արդյունահանման ծավալների սառեցման համաձայնագրին:
Իսկ մինչ այդ, այսօր եվրոպական նավթի 1 բարելը գնահատվում է 47.8 դոլար: