Սաուդյան Արաբիայի գլխավորությամբ գործող կոալիցիայի ներկայացուցիչ Ահմադ Ասիրին հայտարարել է Եմենում հրադադարի դադարեցման մասին:
Հիշեցնենք, որ 48-ժամյա հրադադարի մասին հայտարարվել է նոյեմբերի 19-ին:
Եմենում հակամարտության սկսվելուց ի վեր` 20 ամսվա ընթացքում արդեն 10 հազար մարդ է զոհվել: ՄԱԿ-ի գնահատականներով` ավելի քան 3 միլիոն մարդ ստիպված է եղել լքել իր տունը, շուրջ 21 միլիոն մարդ մարդասիրական օգնության կարիք ունի: Երկրում 2 միլիոն մարդ տառապում է քաղցից, նրանցից 370 հազարը` երեխաներ: