Միջազգային

ԱՄՆ նախագահ Բարաք Օբաման Գերմանիայի կանցլեր Անգելա Մերկելի հետ հանդիպումից հետո տված ասուլիսի ժամանակ հայտարարել է, որ Ռուսաստանը ռազմական գերտերություն է:

«Իմ դիրքորոշումը Ռուսաստանի հանդեպ չի փոխվել նախագահական նստավայրում գտնվելու իմ առաջին օրվանից ի վեր: Ռուսաստանն առանցքային պետություն է, այն ռազմական գերտերություն է: Այն ազդեցություն ունի ոչ միայն տարածաշրջանում, այլ նաև ողջ աշխարհում»,- ասել է Օբաման:

Օբաման նշել է, որ Վաշինգթոնի շահերից է բխում աշխարհում ծագող պատերազմների լուծման համար «աշխատել ու համագործակցության հասնել Ռուսաստանի հետ»:

Հիշեցնենք, որ Մերկելի հետ հանդիպման ժամանակ Օբաման հույս է հայտնել, որ Դոնալդ Թրամփը կշարունակի Ռուսաստանի հետ համագործակցության ուղիներ փնտրել, բայց, միևնույն ժամանակ, կդիմակայի Մոսկվային այն հարցերում, որտեղ Վաշինգթոնի հետ նրա հայացքները տարբերվում են: