«Ռուսաստանի կառավարական չինովնիկները, ինչպես նաև ներդրողները վախենում են, որ Տնտեսական զարգացման նախարար Ալեքսեյ Ուլյուկաևի ձերբակալությունը կոռուպցիայի համար մեղադրանքով կարող է անվստահության աճ առաջացնել, քանի որ կասկածներ կան, որ քննիչներն ընդարձակում են հետաքննության շրջանակը»,- հաղորդում է The Financial Times-ը:
«Նրանք խոսում են լրացուցիչ ութ կասկածյալի մասին»,- ասել է ՌԴ Անվտանգության դաշնային ծառայության նախկին աշխատակիցն, ում մեկնաբանությունները հնչել են այն բանից հետո, երբ ԶԼՄ-ները հայտնել են, որ ևս մի քանի մարդ քննիչների նշանակետում է:
Տնտեսական զարգացման նախարարության երկու չինովնիկներ և մի խոշոր ներդրող ենթադրել են, որ Ուլյուկաևի դեմ ձեռնարկված միջոցներին մասնակից է «Ռոսնեֆտի» ղեկավար Իգոր Սեչինը՝ նախկին լրտեսն, ով երկար ժամանակ եղել է Պուտինի անձնական քարտուղարը:
«Պուտինը վախենում է սեփական վերնախավի դավաճանությունից,- կարծում է ընդդիմադիր քաղաքական գործիչ Ալեքսեյ Նավալնին:- Իսկ դրանից խուսափելու համար պետք է անել այն, ինչ արել են ավտորիտար ռեժիմները մարդկության ողջ պատմության ընթացքում՝ ահաբեկել սեփական շրջապատը»:
Ուլյուկաևի ձերբակալությամբ պայմանավորված` նյարդայնությունն էլ ավելի է խորացել, երբ չորեքշաբթի օրը քննիչները խուզարկել են «Ռոսնանո» պետական տեխնոլոգիական ընկերության գրասենյակները և քրեական գործ հարուցել դեղագործական ընկերության ղեկավարության դեմ, որի մեջ «Ռոսնանոն» միջոցներ է ներդրել, ասվում է հոդվածում: