Ռիոյի օլիմպիական խաղերի ընթացքում ձերբակալված ՄՕԿ-ի կազմկոմիտեի անդամ, Եվրոպական օլիմպիական կոմիտեի նախագահ Պատրիկ Հիկեն Իռլանդիա վերադառնալու թույլտվություն է ստացել։ Հիշեցնենք, որ 71-ամյա իռլանդացին ձերբակալվել է օգոստոսի 17-ին՝ միջազգային հանցավոր խմբի հետ կապ ունենալու մեղադրանքով։ Խումբը զբաղվում էր մարզական իրադարձությունների տոմսերի վերավաճառքով։ Դրանից հետո Հիկեն ժամանակավորապես հեռացվել է աշխատանքից՝ մինչ հանգամանքների հստակեցումը։
Իռլանդական RTE հեռուստաընկերության տեղեկությունների համաձայն՝ դատավորը Հիկեին թույլատրել է լքել Բրազիլիան՝ սրտի հետ կապված խնդիրների պատճառով։ Հիկեն, սակայն, պետք է 410 հազար եվրո գրավ վճարի և ներկա գտնվի հետագա դատական նիստերին։