Մոսկվայում ձերբակալվել է Սանկտ-Պետերբուրգի նախկին փոխնահանգապետ Մարատ Օգանեսյանը
16:25, չորեքշաբթի, 16 նոյեմբերի, 2016 թ.
Մոսկվայում ձերբակալվել է Սանկտ-Պետերբուրգի նախկին փոխնահանգապետ Մարատ Օգանեսյանը։
Նա կասկածվում են Կրեստովսկի կղզում «Զենիթ-Արենա» ֆուտբոլային մարզադաշտի շինարարության ժամանակ ավելի քան 50 մլն ռուբլի հափշտակելու համար։ Ձերբակալությունը տեղի է ունեցել խարդախության գործի շրջանակներում։
Քննչական կոմիտեն հայտնել է, որ հաստատվել է ավելի քան 50 մլն ռուբլու հափշտակության փաստը ֆուտբոլային մարզադաշտի լուսատախտակի մատակարարման վերաբերյալ պայմանագրի կնքման ժամանակ։
Մարատ Օգանեսյանն, իրականացնելով Կրեստովսկի կղզում մարզադաշտի շինարարության համակարգումը, ներգրավել է «ՏԴՄ» բաժնետիրական միությանը որպես ենթակապալառու, այնուհետև կազմակերպել է տվյալ կազմակերպության օգտին որպես կանխավճար ավելի քան 50 մլն 480 հազար ռուբլու փոխանցումը, որը հետագայում յուրացվել է «մեկօրյա» ընկերության կողմից:
Ներկայում քննիչները խուզարկություններ են կատարում Օգանեսյանի բնակության վայրերում՝ Մոսկվայում և Մոսկվայի մարզերում։
Հետաքննությունը պատրաստվում է դիմել դատարան՝ պաշտոնյային կալանքի տակ վերցնելու համար։