ՌԴ Քննչական կոմիտեն մեղադրանք է ներկայացրել երկրի Տնտեսական զարգացման նախարար Ալեքսեյ Ուլյուկաևին առանձնապես խոշոր չափի գումար կաշառք վերցնելու համար: Այդ մասին ասվում է գերատեսչության տարածած մամուլի հաղորդագրության մեջ:
Ներկա պահին ՌԴ Քննչական կոմիտեն Ուլյուկաևի հանդեպ խափանման միջոց կիրառելու մասին միջնորդություն է ներկայացրել դատարան:
Հիշեցնենք, որ Ուլյուկաևը ձերբակալվել է երեկ գիշեր 2 միլիոն դոլար կաշառք վերցնելու պահին: