Հաագայի միջազգային քրեական դատարանը Ղրիմի թերակղզում և Սևաստոպոլում տիրող իրադրությունը որակել է որպես պատերազմ երկու երկրների, մասնավորապես` Ռուսաստանի և Ուկրաինայի միջև:
Այդ մասին ասվում է ամենամյա հաշվետվության մեջ, որ հրապարակվել է նախօրեին: Դրանում ասվում է, որ նշված ռազմական հակամարտությունն սկսվել է 2014թ. փետրվարի 26-ից ոչ ուշ, երբ Ռուսաստանի Դաշնությունն իր զինված ուժերը ներգրավել է Ուկրաինայի տարածքների մի մասի վրա վերահսկողություն հաստատելու համար:
Հաագայի դատարանի հաշվետվության մեջ խոսվում է նաև ԱՄՆ-ի և ԿՀՎ-ի` Աֆղանստանում ծավալած գործողությունների մասին: Դատարանը վերջիններին մեղադրել է Աֆղանստանում ռազմական հանցագործություն կատարելու համար: