Ալթայում Կոկորյա գյուղի մոտակայքում տեղի բնակիչները ժայռի խորքում հայտնաբերել են 13-14-րդ դդ. փայտե դագաղ` տղամարդու մնացորդներով, նաև` թեղուց պատրաստված կապարճ, նիզակներ և նետերի մետաղական սլաքներ: Այս մասին հայտնում է Siberian Times-ը:
Բացի այդ, գերեզմանում նաև հայտնաբերվել են տարատեսակ կենցաղային իրեր` պատրաստված ծառերի արմատներից, թամբի մասեր և մետաքսյա ժապավենի կտորներ, որոնց մեջ փաթաթված է եղել հանգուցյալի մարմինը:
Հնարավոր է, այստեղ թաղվածն ունեցել է մոնղոլական ծագում: Նախկինում նմանատիպ գերեզմաններ Ալթայի Հանրապետության տարածքում չեն գտնվել: