Թուրքիայում 2017 թվականին անց է կացվելու սահմանադրական փոփոխությունների հանրաքվե: Այս մասին հայտարարել է էկոնոմիկայի նախարար Նիհաթ Զայբեկչին Դենիզլի նահանգում ելույթ ունենալու ժամանակ, գրում է Sabah-ը:
Նախարարի խոսքով` նոր սահմանադրությունը Թուրքիային հնարավորություն կտա դառնալ առավել ուժեղ տարածաշրջանում և աշխարհում: Այն նաև հնարավորություն կտա ձերբազատվել բազմաթիվ խնդիրներից, որոնք առկա են ներկայում:
Սահմանադրության փոփոխման մասին առաջին անգամ խոսել էր Ռեջեփ Էրդողանը դեռ 2011-ի ամռանը` կոչ անելով ընդդիմադիր կուսակցությունների անդամներին մասնակցել նոր սահմանադրության ստեղծման շուրջ բանացկություններին:
Սակայն Թուրքիայի ընդդիմությունը դեմ է արտահայտվել նոր սահմանադրությանը, քանի որ դրանից հետո կառավարման խորհրդարանական ձևը կփոխվի նախագահականի: