BMW ընկերությունը սկսել է նոր սերնդի 3-Series-ի սերիական տարբերակի ճանապարհային փորձարկումները, հաղորդում է Motor1-ը: Մեքենայի պաշտոնական շնորհանդեսը տեղի կունենա 2018-ից ոչ շուտ: Մոդելը, որը ստացել է G20 ինդեքսն, ավելի սպորտային դիզայն կստանա: Բացի այդ, մեքենան իր նախորդից զգալիորեն ավելի մեծ կլինի: Մեքենան պատրաստելու են CLAR հարթակի վրա, ինչի շնորհիվ այն ավելի թեթև կդառնա: Նոր մոդելի շարժիչային շարքի մեջ մտնելու են չորս և վեցգլանանոց բենզինային, ինչպես նաև դիզելային ագրեգատներ: