Իրաքի Մոսուլ քաղաքում ԴԱԻՇ ահաբեկչական խմբավորման զինյալներն ավելի քան 60 խաղաղ բնակչի են գլխատել, փոխանցում է РИА Новости-ն՝ հղում անելով փախստականների հարցերով վարչությանը:
ՄԱԿ-ի փախստականների հարցերով գերագույն հանձնակատարի տվյալներով` նոյեմբերի 8-ին «սպանել են Մոսուլի 40 խաղաղ բնակչի՝ Իրաքի անվտանգության ծառայություններին աջակցելու մեղադրանքով»:
Նույն օրը` երեկոյան, այսպես կոչված` դատարանի որոշմամբ բջջային հեռախոս օգտագործելու համար հրապարակայնորեն գլխատվել է ևս մեկ մարդ:
Բացի այդ, նոյեմբերի 9-ի երեկոյան զինյալները Մոսուլի հյուսիսում սպանել են ևս 20 խաղաղ բնակչի: