Հանրապետական Դոնալդ Թրամփի՝ ԱՄՆ նախագահական ընտրություններում տարած հաղթանակի դեմ բողոքի ցույցեր են սկսվել Օքլենդում, Լոս Անջելեսում, Պորտլենդում և Նյու Յորքում: Այս մասին գրում է The Guardian-ը: Նշվում է, որ Քալիֆորնիայի համալսարանի հազարավոր ուսանողներ դուրս են եկել փողոցներ ընտրությունների արդյունքների դեմ բողոքելու: Բողոքի ցույցի անցկացման վայր է ժամանել ոստիկանությունը, բացի այդ օդում ուղղաթիռ է պտտվում: Իսկ Օքլենդում ցուցարարները փողոցի մեջտեղում ոչ մեծ խարույկ են վառել: Բողոքի ցույցեր են անցկացվում նաև Քալիֆորնիա նահանգի Դեվիս քաղաքում, Նյու Յորքի Կոլումբիական համալսարանի դիմաց:
Հիշեցնենք, որ Դոնալդ Թրամփը հաղթանակ է տարել ԱՄՆ նախագահական ընտրություններում: Թրամփի հաղթանակն ակնհայտ է դարձել Վիսկոնսինում ձայների հաշվարկից հետո: Այդ նահանգում նա հավաքել է հաղթանակի համար անհրաժեշտ 270 ձայնից ավելի: