ՆԱՏՕ-ի գլխավոր քարտուղար Յենս Սթոլթենբերգը հայտարարել է, որ դաշինքի 100-հազարավոր զինվորականներ կանցնեն ուժեղացված ծառայության ռեժիմի՝ սառը պատերազմի տարիներից հետո Ռուսաստանի կողմից ցուցաբերվող ագրեսիային ի պատասխան: Այդ մասին ՆԱՏՕ-ի գլխավոր քարտուղարը հայտնել է բրիտանական The Times պարբերականին տված հարցազրույցում:
«Մենք տեսել ենք՝ ինչպես է Ռուսաստանն օգտագործում Եվրոպայում ՆԱՏՕ-ի դաշնակիցների շրջանում քարոզչությունը, և դա հենց այն պատճառն է, որի համար ՆԱՏՕ-ն պատասխան արձագանքում է»,- հայտարարել է Սթոլթենբերգը:
Նրա խոսքով՝ Ռուսաստանը երկար տարիների ընթացքում մեծացնում է իր ռազմական ուժը և «ավելի ու ավելի գործունյա է դառնում շատ հարցերում»: Այս ամենի պատճառով էլ ՆԱՏՕ-ն ստիպված է պատասխան տալ Մոսկվային` հավաքական անվտանգության մակարդակի ամենազգալի ուժեղացմամբ: