Արգենտինայի ազգային հավաքականի նախկին կիսապաշտպան Խուան Սեբաստյան Վերոնը մտադիր է վերսկսել մարզական կարիերան։ Արգենտինական «Էստուդիանտես»-ի նախագահ Վերոնը մարզակոշիկները մեխից էր կախել 2014-ի մայիսին։ Ֆուտբոլիստն արդեն սկսել է մարզումները, որպեսզի հասցնի վերականգնել մարզավիճակը մինչև 2017-ի Լիբերտադորեսի գավաթի խաղարկությունը։ Այդ դեպքում Վերոնը խաղադաշտ դուրս կգա 42 տարեկանում։ «Էստուդիանտես»-ի գլխավոր մարզիչ Նելսոն Վիվասը հաստատել է Վերոնի ծրագրերը։ Նշենք նաև, որ Վերոնը հանդես է եկել «Պարմա»-ում, «Լացիո»-ում, «Մանչեսթր Յունայթեդ»-ում, «Չելսի»-ում և Միլանի «Ինտեր»-ում։