Բուլղարիայի նախագահ Ռոսեն Ասենով Պլևնելիևը BBC-ի հետ զրույցում հայտարարել է, որ իր կարծիքով` քիբերհարձակումների միջոցով Ռուսաստանը փորձում է պառակտել Եվրոպան և անկայուն իրավիճակ ստեղծել այնտեղ:
Ըստ Բուլղարիայի նախագահի` Կրեմլը փորձում է միջամտել իր և մյուս պետությունների քաղաքականությանը` ֆինանսավորելով քաղաքական կուսակցություններին և քարոզչություն տարածելով:
Բուլղարիայի Եվրոպական զարգացման կուսակցության անդամներից մեկը հայտնել է, որ նախորդ տարի երկրի Կենտրոնական ընտրական հանձնաժողովի կայքը և կառավարական մի շարք այլ կայքեր ցանցահենների հարձակման են ենթարկվել, որոնք կարող են պատկանել նույն խմբավորմանը, որի անդամներն ընտրությունների նախօրյակին հարձակումներ են գործում ԱՄՆ Դեմոկրատական կուսակցության կայքերի վրա:
Նշենք, որ Կրեմլը հետևողականորեն հերքում է նման մեղադրանքները: