ՕՊԵԿ անդամ բոլոր երկրները և նավթ արդյունահանող անկախ պետությունները, որոնց թվում է նաև Ռուսաստանն, իրենց համաձայնությունն են հայտնել նավթի արդյունահանման սառեցման նախագծին: Այս մասին հաղորդում է Bloomberg գործակալությունը` հղում անելով ՕՊԵԿ գլխավոր քարտուղար Մոհամեդ Բարքինդոյին:
«ՕՊԵԿ անդամ բոլոր 14 երկրներն, ինչպես նաև երբեմնի մրցակիցներն, ինչպիսին, օրինակ, Ռուսաստանն է, պատրաստվում են ավարտին հասցնել համաձայնագրի շուրջ աշխատանքներն, ինչի մասին կհայտարարվի նոյեմբերի 30-ին կայանալիք հանդիպման ժամանակ»,- տնտեսական լրատվականին տված հարցազրույցում ասել է Բարքինդոն:
ՕՊԵԿ գլխավոր քարտուղարը նշել է, որ դեռևս վաղ է խոսել ոչ անդամ պետությունների կողմից նավթի արդյունահանման կրճատման ծավալների մասին: