Միջազգային

ԴԱԻՇ ահաբեկչական խմբավորման անդամներն Իրաքի Մոսուլ քաղաքի հարավում ծծմբի գործարան են հրկիզել, ինչի հետևանքով թունավոր նյութեր են արտանետվել մթնոլորտ և բարձրացող ծուխը հսկա թունավոր ամպի տեսքով շարժվում է Թուրքիայի ուղղությամբ: Այս մասին գրում է թուրքական Sabah կայքը:

Թունավոր ամպը մոտենում է թուրքական Շրնաք և Մարդին նահանգներին: Բնակիչներին խորհուրդ է տրվում առաջիկա օրերին տնից դուրս չգալ, ամուր փակել դռներն ու լուսամուտները: Շըրնաքի և Մարդինի բնակիչները խուճապահար սկսել են սննդի և անհրաժեշտ իրերի պաշարներ կուտակել տներում:
     Հաղորդվում է, որ թունավոր նյութերն ազդելու են ոչ միայն մարդկանց, այլև կենդանական աշխարհի վրա: Սպասվում է, որ մեծ վնասներ կկրի գյուղատնտեսական ոլորտը: