«Դա ծանրագույն հարված էր մեր պետականությանը, և միանգամայն ուրիշ երկրում կապրեինք, եթե չլիներ հոկտեմբերի 27-ի ոճրագործությունը»,- Աժ-ում լրագրողների հետ ճեպազրույցում ասաց պատգամավոր Ստեփան Դեմիրճյանը: «Հոկտեմբերի 27-ի բացասական հետևանքներն առ այսօր իրենց զգացնել են տալիս ու հաղթահարված չեն... Կարող ենք արձանագրել, որ ցանկություն չի եղել բացահայտելու, հակառակն, ամեն ինչ արվել է կոծկելու համար: Սա առաջին հերթին վերաբերում է այն իշխանություններին, որոնց ժամանակ դա տեղի է ունեցել»,- ընդգծել է նա:
Նշենք, որ ԱԺ բակում` հոկտեմբերի 27-ի զոհերի հիշատակին կանգնեցված հուշաքարին պատգամավորներն այսօր ծաղիկներ են դրել ու հարգանքի տուրք մատուցել: