Խնդրում ենք սպասել...

Միջազգային

«ԱՄՆ-ը` փակուղու առջև. Ռուսաստանում էլ մարդ չկա, ում հանդեպ կարելի է պատժամիոցներ սահմանել, բացի Կրեմլի հավաքարարից». Bloomberg

16:30, չորեքշաբթի, 26 հոկտեմբերի, 2016 թ.
«ԱՄՆ-ը` փակուղու առջև. Ռուսաստանում էլ մարդ չկա, ում հանդեպ կարելի է պատժամիոցներ սահմանել, բացի Կրեմլի հավաքարարից». Bloomberg

Օբամայի աշխատակազմը հաղորդել է, որ փնտրելով Սիրիայում հումանիտար ճգնաժամը թեթևացնելու միջոցներ` դիտարկում է Ռուսաստանի հանդեպ նոր պատժամիջոցների հնարավորությունը, գրում է Bloomberg-ը: Սակայն պետքարտուղար Քերին ոչ մի մանրամասն չի բացահայտել, իսկ ԱՄՆ-ի եվրոպական դաշնակիցներն անցյալ շաբաթ ՌԴ-ի համար ավելի կոշտ սահմանափակումների չեն դիմել:
     «Չնայած ԱՄՆ նախագահն ունի պատժամիջոցներ սահմանելու բոլոր լիազորությունները, Ռուսաստանում էլ մարդ չկա, ում հանդեպ կարելի է դրանք սահմանել, բացի Կրեմլի հավաքարարից: Առևտրական կամ ֆինանսական պատժամիջոցների ընդարձակման տեսանկյունից մենք արել ենք ամեն հնարավորը»,- կարծում է Վաշինգթոնի Քենանի ինստիտուտ մասնագետ Մայքլ Քոֆմանը:

Ռուսաստանի դեմ պատժամիջոցներն արդեն ներառել են հարյուրավոր մարդկանց՝ Պուտինի գլխավոր դաշնակիցներից մինչև «Գիշերային գայլերը» (մոտոցիկլավարների խումբ բժշկականի նախկին ուսանողի ղեկավարությամբ, ում մեղադրում են Ուկրաինայում ռուսական զորքերին աջակցելու համար):
     Փորձագետների խոսքով` հաջորդ քայլերը կարող են ներառել, այսպես կոչված, հատուկ կատեգորիաների քաղաքացիների ցուցակի ընդարձակումը՝ նրա մեջ բանակային նոր սպաների կամ զինագործական ընկերությունների ներառման հաշվին: Այդ միջոցառումները կսահմանափակեն ամերիկյան բանկերից օգտվելու հնարավորությունը և կփակեն մուտքը դեպի ԱՄՆ: Սակայն քննադատներն արդեն վաղուց ծաղրի են ենթարկել այդ քայլերը՝ ցուցակում ներառված ռուսներն այլ միջոցներ են գտնում իրենց գումարները փոխանցելու համար և այլ վայրեր արձակուրդն անցկացնելու համար:

6457 | 0
Facebook