Ուրուգվայի նախագահ Տաբարե Վասկեսը և Արգենտինայի նախագահ Մաուրիսիո Մակրին հանդիպում են ունեցել, որի ընթացքում քննարկել են ֆուտբոլի աշխարհի 2030 թվականի առաջնությունն անցկացնելու համատեղ հայտ ներկայացնելու հնարավորությունը։ 2030 թվականին նշվելու է աշխարհի առաջնությունների անցկացման 100-ամյակը։ Առաջին անգամ առաջնությունն անց է կացվել Ուրուգվայում, և եզրափակչում մրցել են հենց Ուրուգվայը և Արգենտինան։
Հիշեցնենք, որ մինչ այս միայն մեկ անգամ է աշխարհի առաջնությունն անց կացվել երկու երկրում։ Դա տեղի է ունեցել 2002-ին՝ Ճապոնիայում և Հարավային Կորեայում։