Կյանքի 73-րդ տարում մահացել է բրազիլացի լեգենդար ֆուտբոլիստ, 1970 թվականի աշխարհի չեմպիոն Կառլոս Ալբերտո Տորեսը։ Մահվան պատճառը սրտի կաթվածն է։
Նշենք, որ Կառլոս Ալբերտոն եղել է Բրազիլիայի լեգենդար հավաքականի ավագը։ Մարզական կարիերան ավարտելուց հետո նա զբացվել է քաղաքականությամբ։ 1989-ից 1993 թվականներին եղել է Ռիո Դե Ժանեյրոյի Դեմոկրատական աշխատավորների կուսակցության ներկայացուցիչը քաղաքային խորհրդում։