Ինչու են հնոտիավաճառներն իսկական որս սկսել «Զինգեր» կարի մեքենաների նկատմամբ
00:05, չորեքշաբթի, 26 հոկտեմբերի, 2016 թ.
 Ժամանակակից երիտասարդներից քչերը կհասկանան, թե ինչ է գտնվում այս փայտյա սնդուկանման տուփի մեջ, այնինչ ոչ այդքան վաղ անցյալում սրանք եղել են գրեթե բոլորի տներում:  Սակայն 20-րդ դարասկզբին այս կարի մեքենաներն Ամերիկայից Ռուսաստան ու այնտեղից էլ` այլ երկրներ տեղափոխելն օվկիանոսի պատճառով դարձել է ոչ եկամտաբեր, քանի որ առաջ են եկել բազմաթիվ մրցակիցներ, որոնք նույն ապրանքն ստեղծել ու վաճառել են ավելի մատչելի գնով: Այդ ժամանակ «Զինգեր» ընկերությունը որոշել է Մերձմոսկվայում հիմնել նմանատիպ գործարան:  Այս նպատակով հող է գնվել Պոդոլսկում, որն այդ ժամանակ փոքրիկ բնակավայր է եղել` 5 հազար բնակչով: Ընդամենը 10 տարուց «Զինգեր»-ի նոր գործարանը դարձել է խոշորագույնը Եվրոպայում, Առաջին համաշխարհային պատերազմից առաջ գործարանը թողարկելիս է եղել 600 հազար մեքենա մեկ տարվա ընթացքում: Միայն Ռուսաստանի տարածքում գործել է ընկերության ավելի քան 3000 ֆիրմային խանութ, բացի այդ, դրանք հաճախորդներին ուղարկվել են նաև փոստով: Պոդոլսկյան «Զինգեր»-ները մեծ պահանջարկ են վայելել նաև Չինաստանում, Ճապոնիայում, Իրանում: 1914 թվականին Ռուսաստանն աշխարհում երկրորդ տեղն է զբաղեցրել կարի մեքենաների իրացման բնագավառում` վաճառելով տարեկան 63,5 միլիոն ռուբլու արտադրանք և զիջելով միայն ԱՄՆ-ին:  Սանկտ-Պետերբուրգում կառուցվել է ընկերության շքեղ գրասենյակը, որն այսօր էլ զարդարում է Նևսկի պողոտան:   Առաջին համաշխարհայինից հետո, բարեբախտաբար, գործարանի սարքավորումները մնացել են հիմնականում անվնաս և 1923-ին այն դարձյալ սկսել է գործել, միայն թե այժմ կարի մեքենաները թողարկվել են «Госшвеймашина» և «ПМЗ» (Подольский механический завод) անվանումներով:  Տասնամյակներն անցել են, սակայն «Զինգեր»-ի կոնստրուկցիան այնքան կատարյալ է եղել, որ մնացել է անփոփոխ, պահպանվել է անգամ նրա վրայի զարդանախշերի ավանդույթը:    |
38216 | 2
