Այսօր առավոտյան Մալթայում տեղի ունեցած ավիավթարի 5 զոհերը Լիբիա էին մեկնում ֆրանսիական մաքսային ծառայության հրամանով: Այդ մասին, ինչպես հայտնում է Agence France-Presse-ը, ասված է Ֆրանսիայի պաշտպանության նախարար Ժան-Իվ Լե Դրիանի հայտարարությունում:
«Ինքնաթիռը դիտորդական առաքելություններ էր իրականացնում Միջերկրական ծովում ֆրանսիական պաշտպանության նախարարության համար»,- բացատրել է Լե Դրիանը:
Նախարարը հստակեցրել է, որ նրանց թռիչքի նպատակը Միջերկրական ծովում միգրացիոն հոսքերի մոնիթորինգն էր, ինչպես նաև մարդկանց անօրինական տեղափոխողների և թմրավաճառների երթուղիների հայտնաբերումը:
Նրա խոսքով՝ անձնակազմի հինգ անդամներից երեքը եղել են պաշտպանական գերատեսչության աշխատակիցներ, երկուսը՝ CAE ընկերության ներկայացուցիչներ: Այդ ընկերությանն է պատկանել ինքնաթիռը:
Հիշեցնենք, որ Մալթայի լրատվամիջոցները տարածել էին, թե ավիաաղետի զոհերը ԵՄ պաշտոնայներ են ինչը, սակայն, հերքվել էր: