Ոստիկանությունը տեսանյութ է հրապարակել, որտեղ «Պատանի լրագրողների դպրոց»-ի տնօրեն Վահան Ղազարյանը ոստիկանության բաժնում խոստովանում է, որ ինքն է դանակահարել 22-ամյա Լևոն Սահակյանին:
«Արդեն վեճ էր, ձեռս մտցրեցի ջեբս, բացեցի դանակը, հանեցի, չեմ հասկացել՝ ինչխ եմ խփել»,- ասել է Վահան Ղազարյանը։
Հիշեցնենք, որ դեպքը տեղի էր ունեցել հոկտեմբերի 19-ի երեկոյան: Ամեն ինչ սկսվել էր նրանից, որ «Պատանի լրագրողների դպրոց»-ի տնօրեն Վահան Ղազարյանը չէր վճարել 22-ամյա երիտասարդի նշանածի աշխատավարձը: Դեպքի օրը Վահան Ղազարյանը կանչել էր Լևոն Սահակյանին գումարը տալու նպատակով, վեճ էր առաջացել և դպրոցի տնօրենը դանակով հարվածել էր երիտասարդին: Դեպքից երկու օր անց Լևոն Սահակյանը հիվանդանոցում մահացել էր: