ԴԱԻՇ ահաբեկիչները փորձում են իրենց վերահսկողության տակ առնել Իրաքի և Հորդանանի սահմանին գտնվող Էր-Ռուտբա քաղաքը: Քաղաքապետը հայտարարել է, որ ահաբեկիչների գրոհն սկսվել է միանգամից երեք կողմերից: Նրա խոսքով`այս պահին կատաղի մարտեր են ընթանում, զինվորականներին հաջողվում է ետ մղել նրանց: Երկու կողմում էլ կան տասնյակ զոհեր:
Ենթադրվում է, որ այս հարձակմամբ ահաբեկիչները փորձում են ազդել Իրաքի զինվորականների` Մոսուլում իրականացվող գործողությունների վրա, գրում է mignews-ը:
Հիշեցնենք, որ Մոսուլի ազատագրումն սկսվել է հոկտեմբերի 17-ին։ Առաջին օրերին իրաքյան ուժերին հաջողվել է վերահսկողության տակ վերցնել մի քանի տասնյակ բնակավայրեր։
Իրաքի վարչապետը հրաժարվել էր թուրք զինվորականներին ներգրավել քաղաքի ազատագրման գործին, բայց այսօր հայտնի է դարձել, որ թուրքական հրետանին մասնակցում է այդ գործողությանը: