Ալիևն ընդունել է ԵԱՀԿ Մինսկի խմբին. հանդիպմանը կարծիքներ են փոխանակվել ԼՂ հակամարտության շուրջ
15:15, կիրակի, 23 հոկտեմբերի, 2016 թ.
Ադրբեջանի նախագահ Իլհամ Ալիևը կիրակի օրն ընդունել է ԵԱՀԿ Մինսկի խմբի համանախագահներին։ Այս մասին հայտնում է «ՌԻԱ Նովոստի»-ն՝ վկայակոչելով նրա մամուլի ծառայությանը: «Ադրբեջանի նախագահ Իլհամ Ալիևն ընդունել է ԵԱՀԿ ՄԽ համանախագահներ Ջեյմս Ուորլիքին (ԱՄՆ), Իգոր Պոպովին (ՌԴ), Պյեր Անդրյոյին (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպշիկին»,- ասված է հաղորդագրությունում: Հանդիպմանը տեղի է ունեցել Լեռնային Ղարաբաղի հակամարտության վերաբերյալ կարծիքների փոխանակում, նշում է մամուլի ծառայությունը: