Խնդրում ենք սպասել...

Իրադարձություններ

Վարսեր գյուղում, որտեղ օրեր առաջ ավտովթարից մահացավ 18-ամյա ուսանողուհին, համայնքապետ են ընտրում

13:50, կիրակի, 23 հոկտեմբերի, 2016 թ.
Վարսեր գյուղում, որտեղ օրեր առաջ ավտովթարից մահացավ 18-ամյա ուսանողուհին, համայնքապետ են ընտրում
     Այսօր Գեղարքունիքի մարզի Վարսեր գյուղում համայնքի ղեկավարի վերընտրություն է: Այդ գյուղում հոկտեմբերի 2-ի ընտրությունների արդյունքները թիվ 23 ընտրատարածքային հանձնաժողովը չեղյալ էր հայտարարել:
     Հիշեցնենք, որ օրեր առաջ հենց այս գյուղի ուսանողական գազելը վթարի ենթարկվեց Երևան-Սևան ճանապարհին: Վթարի հետևանքով մահացավ Վարսեր գյուղի 18-ամյա ուսանողուհի Հռիփսիմե Գասպարյանը, ևս մի քանի ուղևորներ ստացան մարմնական տարբեր վնասվածքներ: Երթուղայինը պատկանում էր Վարսերի գյուղապետի թեկնածու Հուսիկ Սեդրակյանին, ով որոշել էր քարոզարշավի ընթացքում իր անձնական մեքենայով ուսանողներին տեղափոխել:
     Նշենք, որ հոկտեմբերի 2-ին տեղի ունեցած ընտրությունների հաշվարկների արդյունքում Վարսեր համայնքի ղեկավարի թեկնածու Զավեն Հարությունյանը հավաքել էր 421 ձայն, իսկ Հուսիկ Սեդրակյանը 420 ձայն: 36 քվեաթերթիկ ճանաչվել էր անվավեր: Վերահաշվարկից հետո արձանագրվել էր, որ 418 ձայն հավաքել է Հուսիկ Սեդրակյանն, իսկ Զավեն Հարությունյանը` 419: Անվավեր էր ճանաչվել 40 քվեաթերթիկ:
4977 | 0
Facebook