ԱՄՆ մայրաքաղաք Վաշինգթոնում հոկտեմբերի 20-ին կայացել է Բելառուսի և ԱՄՆ-ի պաշտպանության նախարարների աշխատանքային հանդիպումը՝ ռազմական երկկողմ համագործակցության զարգացման հարցերով:
Ինչպես հաղորդել է Բելառուսի պաշտպանության նախարարության մամուլի ծառայությունը, հանդիպման ընթացքում քննարկվել են ռազմական ոլորտում բելառուս-ամերիկյան փոխգործակցության հեռանկարային ուղղությունները:
Հանդիպման հիմնական արդյունքը եղել է Բելառուսի և ԱՄՆ-ի պաշտպանության նախարարությունների միջև համագործակցության մասին համատեղ հայտարարության և 2017թ. երկկողմանի ռազմական համագործակցության պլանի ստորագրումը: