Բաքվի քննչական մեկուսարանում, որը տեղակայված է Քյուրդախանի ավանում, տեղի է ունեցել ապստամբություն: Ադրբեջանական լրատվամիջոցների հաղորդմամբ` բանտարկյալները ծանր վիրավորել են մեկուսարանի պետին ու նրա տեղակալին:
Ապստամբության պատճառների թվում նշվում է ամենօրյա օրապահիկի կրճատումն ու հարազատների ուղարկած կապոցները փոխանցելու համար գանձվող 100 մանաթը (մոտ 30 հազար դրամ):
Բանտարկյալներն սկսել են հացադուլ ու սպառնում են բոլորին, ովքեր կխախտեն այն: Դեպի Քյուրդախանի են ուղևորվել զինվորական ստորաբաժանումներ: